Katrín

Ég er alveg bit eftir að hafa lesið að forstjóri Steypustöðvarinnar keypti sér á kostnað fyrirtækisins, 5 millj kr. jeppa undir rassinn á sér!!!  Steypustöðin er rekin af Íslandsbanka og þar er skilanefnd að störfum, ef ég man rétt. Leyfði skilanefndin þessi kaup? ....  Forstjóri bankans? ..... Hvað er þessi Hannes forstóri Steypustöðvarinnar með á mánuði í laun?.  Samkvæmt fréttinni keypti hann bílinn núna í febrúar s.l.  Og ef fyrirtækið Steypustöðin er rekin af bankanum þá er fyrirtækið líkast til í einhverjum vandræðum og reyndar ekki langt síðan að fjölda starfsfólks var sagt upp þar.

Siðblindan og spillingin er greinilega ennþá í fullum gangi hér!!!!!!!

Ég er í alvarlegri klípu!!!!!

Hef aldrei kosið VG en er alvarlega farin að hugsa um gera svo í næstu kosningum!  Mér líst vel á margt fólk sem bíður sig fram þar og það sem það hefur fram að færa sbr. Steingrím, Katrínu og Svandísi. Þoli reyndar ekki Kolbrúnu, Álfheiði og Árna Þór en það er nú bara þannig. Ég þoli heldur ekki alla sem bjóða sig fram fyrir XD eða aðra flokka. 

Ég hef alltaf verið sammála stefnunni hjá Sjálfstæðisflokknum og alltaf hræðst vinstri stjórn. En svo lærir sem lifir, eða hvað?

Finnst þér rétt og sanngjarnt að forystumenn verkalýðsins hafi ja ..... a.m.k. 3 föld ef ekki sumir 5 föld mánaðarlaun þeirra sem þeir eru í forsvari fyrir?????  EF þeir hafa svona há laun, berjast þeir þá eins fyrir kjörum félagsmanna sinna eins og ef þeir væru á sömu launum og þeir sem þeir eru í forsvari fyrir?????  Við erum að fara fram á að ráðherrar og þingmenn lækki launin sín og okkur finnst það sanngjarnt m.v. aðstæður í dag, EN EN .... hvað hefur t.d. formaður ASÍ í laun? .... yfirmenn lífeyrissjóðanna sem höndla með OKKAR peninga alla daga??? .. Eru þeir verr launaðir en þingmennirnir ......

Hvernig væri að hluti af mótmælunum í dag væru þau að krefjast þess að svokallaðir forystumenn verkalýðsins lækkuðu launin sín til jafns við það sem almennt launafólk í þeirra félagi hefur. Er það ekki sanngjörn krafa???  Svo vona ég heilshugar að mótmælin í dag fari friðsamlega fram og engin skrílslæti verði.