FUNDAR-MARTRÖÐ-ÓSTJÓRN

Fundurinn í Háskólabíói í kvöld var hörmulega misheppnaður. Tilgangurinn var góður, ráðherrrar og þingmenn flest allir mættir til að svara. Margir fundarmenn báru upp góðar og æskilegar spurningar, En það sem brást var fundarstjórinn og utanumhald fundarins.

Fundarstjórinn setti sig í aðalhlutverk og var eins og leikari í aðalhlutverki á sviði. Stjórnaði greinilega ekki neinu, nema þá helst að leyfa sjálfum sér að tala og vera "fyndinn".

Frummælendurnir fjórir voru greinilega allir vinstri-sinnaðir. Hefði ekki átt að hafa 2 með og 2 á móti ríkjandi stjórn?  Fundarstjórinn sjálfur sem eflaust er hinn ágætasti maður brást sem fundarstjóri og setti sjálfan sig í 1. sæti á fundinum.

Ég t.d. sem var, áður en ég horfði á þennan fund í sjónvarpinu, orðin frekar gagnrýnin á Geir og Ingibjörgu og þar með ríkisstjórnina, ég skipti algjörlega um skoðun. Verði kosið núna, þá kýs ég Geir, ekki spurning.  Þessi fundur sannfærði mig um það (kannski þá bara þakkarvert að fundarstjórnin var ekki betri    )

Athugasemdir

[Óðinn, 24.11.2008 kl. 22:53]

Ekki var það léleg fundarstjórn sem náði að hvítþvo Geir fyrir þér á þessum fundi?

[Katrín Linda Óskarsdóttir, 24.11.2008 kl. 22:58]

Átti sinn þátt í því Óðinn ..... mér fannst Geir sýna alveg hreint ótrúlegt æðruleysi og kurteisi þó svo hann fengi ekki það sama frá hr. fundarstjóra. Auk þess svaraði hann skilmerkilega því sem að honum var beint.  En þeir sem þekkja hlutverk fundarstjóra vita að fundarstjóri þessa fundar stóð sig með eindæmum illa sem slíkur, þannig er það bara

[Guðmundur (IP-tala skráð) 25.11.2008 kl. 00:45]

Vinstri sinnaðir? Silja og Margrét kannski, en Benedikt og Þorvaldur? Og í guðanna bænum, til hvers að vera að væla um fundarstjórnina? Þetta er hópur fólks sem skipuleggur fundina af áhuga og í sjálfboðavinnu, ekki sérfræðingar með próf frá Dale Carnegie. Ef þú telur þig geta gert betur skaltu endilega skella þér í hópinn (www.borgarafundur.org og [e-mail]), það er alls konar fólk þarna, bæði til hægri og vinstri, en aðallega með brennandi áhuga á opnu lýðræði.

[Óðinn, 25.11.2008 kl. 11:23]

Ég er sammála því að þessi fundarstjórn var frekar slök en ég veit einnig hvernig leikstjórar haga sér upp til hópa og kom hún því mér ekki á óvart, en ótrúlegt finnst mér að ef ráðamaður þjóðar kemur á boðaðann borgarafund og hin lélega fundarstjórn nægi til hvítþvottar.

Að öðru leyti fannst mér aðdáunarvert af stjórninni að mæta - en það er ekki nóg að láta sjá sig fyrir mér.